BE.51 Logu no.31
TOLE PUJI MA TUHANTA

Ayat 1
Tole puji ma Tuhanta Tu Ibana ma rohanta
Asa girgir parendenta Ale dongan Kristen i.

Ayat 2
Dosa dohot hamatean Bolis dohot hamagoan
Talu, ala naung diboan Jesus hangoluan i

Ayat 3
Sai tandai ma denggan basa Ni Jahowa Debatanta
Dibasahon do AnakNa Baen hangoluanta i

Ayat 4
I ma ro holong rohaNa Jolma do dibaen donganNa
Dohot tu harajaonNa Hita diarahon do

Ayat 5
Nunga binsar panondangi Haholomon disondangi
Na masihol i didaoni Dipangolu do sude

Ayat 6
Ale Jesus haholongan Boan ma tu hasonangan
Hami na di parjalangan na mangkalungunhon Ho

Ayat 7
Asa di joloM ma hami Mangendehon endenami
Raphon angka dongannami Angka pardisurgo i
